بحبكَ ياحسين يلوموني
اكَعد ومشي امسولف بيك
ماعرفُ حبكَ جنني
ولدتني امي بطبع احسانكَ
بچنون انحبكَ على موني
شجره وتروي دموع بحبكَ
اتربا أنا وياي اخواني
اكبار ونرظع دمعاتكَ
شرد احچي اتعثر بادموعي
احزاني انت وفرح اچنيتكَ
عاشكَ معشوكَي يحسدوني
هنيالي بحبكَ معشوكَ
وبعشككَ ياحسين عيوني
لو ماتدمع حرمه و تطلكَ
دمعاتي بصوت يحاچني
امشي وكَلبي يسولف بيكَ
وبسالفتي مدنكَ محني
من جابُو سيرت چتالكَ
چتلوني وكَطعُ شرياني
أمنيه باكََلبي اصد الكيتكَ
زاير متمني يجيبوني
همنه بكَبرك يمته نزوركَ
مشلول وميت متمني
هنياله الزاير بظريحكَ
وتلاكي الشيعي ويا السني
بحبك روچات ونسابكَ
نمشي ونلطم مأجورين
وبصحنكَ نكَعد نتباركَ
بجنان الباري أمحسبين
متحير مدري اشآحجيلك
لو تحچيلكَ هل عينين
ياحسين الخادم دكَ بابكَ
زاير متعني يسد دين
دخلني ولايذ بمرادكَ
جنه وداخلهة بنورين
نور امي الربتني بچالكَ
ونور الغربه نزورك دين
مو حكَي من اطمع بمرادكَ
انس وجن الفرحانين
متعنيه ازهابات ازوركَ
بزهاب الجنه امطعمين
عذبنه وشلانه فراككَ
وبذكَرك َ ننبظ كَلبين
واحد بل غربه امسحكَينكَ
والثاني بحبك ياحسين
اتوصي الناس بمال اوراثكَ
وانا امي توصي على حسين
زورا وخلي النور بدربك
وكسب يوليدي النهرين
نهر ايصب اجنان بكَبرك
والثاني يصب دمعة عين
والثاني يصب دمعة عين
الثلاثاء يناير 15, 2008 4:04 am
