بسم الله الرحمن الرحيم
السلام عليكم ورحمة الله وبركاته
رداًعلى قصيده
,
,
,
,
ما اسافر ما اسافر ما اسافر وين اسافر
ولكَلب اخ الكَلب يمكم و سافر
اشلون اسافر وانا بعيوني خناجر
والشماته اشكَر شمتت وانا صابر
ما أسافر ابقى تايه بل محطه وطير طاير
عندي بس جناح واحد ونكَسر كَسرة خواطر
وين اسافر بيت فارغ وطن تايه شعب حايرر
اضل صابر غربه اهون وين أعيش بين فاجر
تاجرو أبدم الطفل وبدلو اجمل مناظر
ذيج بغداد العليله وذيج بصرتنه الحزينه وين اسافر
والعراق اجروح تدي حير الطب والدكَاتر
تدري ليمتهة اسافر يل تكَول انا مهاجر
من اشوف اطفال شعبي سحكَو الكَل بل قنادر
سحكَو الضدهم يضدنه وسحكَو الوهابي كَافر
لحيه عنده اشلون لحيه جنهة ذيل احصان طاير
ما اسافر ما اسافر ما اسافر وين اسافر
خلني ساكت لا تهيجلي المشاعر
تدري بيه اشكثر اكَتب والقوافي تريد شاعر
اكتب ابجرح اليتامه و من حزن امنه الدفاتر
تدري بيه ايتيم حاير ودمع نهرين فاير
من أسافر يمكن أعمى امعكَز ولابس مناذر
وين اسافر ما اسافر حته لو شاطر وتاجر
ما اسافر
الثلاثاء يناير 15, 2008 3:41 am
