موشح يا جابر ولجرح ايزيــــــــد راح حسين ....

يا جابر والجرح ايزيــد = راح حسين وظل يزيــد

يا جابر وذكر طاريه = راح الوالي الينبض بيــه
وعمتي اليوم اشكد مسبيه = وعباس المكَطوع الايــد
يا جابر والجرح ايزيــد

يا جابر ونحركَت دار = وعيال الوالي بنص نـــار
محروكَه خيامه وطشار = كلت اتحزم وانه ونيـــــد
يا جابر والجرح ايزيد

مامش رچـلين يعينني = ونات اسمع فوك ونينــي
يا جابر والدمعه بعيني = وذرفهة بكل حزن وعيــــد
يا جابر والجرح ايزيد

يا جابر شفته وعل غبره = مذبوح ومطروح ابكبـــره
مچـسره انچاس على العتره=راحو كلهم وانه وحيـــد
يا جابر والجرح ايزيد

يا جابر من صفنت صفنه=وذكر ياعمي المحنــه
دم صارت هلكَاع وضعنه=يا عمي ونصيح انريـــد
يا جابر والجرح ايزيد

جيتكَم عميه احتاجينه=بطف ياعمي أتئذينــه
ونصاره الوالي المتعنيه= والموت ايكَص ايد أبئيــد
يا جابر والجرح ايزيد

امشي ومتعثر وچفه=چثت عباس ولو جفـــه
يا حيف اوعمي ويا وسفه=صار النوح النه وتغريــد
يا جابر والجرح ايزيد

عباس الشالنه الكَلفه=يا عمي بسيفه ولاملفــه
لا جانه المنه ولا خلفه=وترف رايتنه بچــريـــد
يا جابر والجرح ايزيــد

شدفن يا عمي ومتحير=ادفن روحي اشلون يصيـر
لو ادفن عبدالله ازغير=مذبوح وجل دم بوريــــد
***=***
يا جابر والجرح ايزيـــد
يا چـثه اتعنه المحملهة=چثت عمي المامش منهـة
يا جابر مطشره المهة=ولاأصبع مكَطوع ابكَيـــــد
***=***
يا جابر والجرح يزيـــــد = راح حسين وظل يزيــــد