ثلــــوج الدنيه صبت مره مـره
صرت محتاج طيفك مره مــره
ولـك مـرني ومــرك مره مــره
اريد الروح هسه ترد ليه
ـــــــــــــــــــــــــــــــــ
ـثلوج اشتاي صبت مـره مـــــــــره
واحس الريكَـ علكم ضاكََـ مـــــــــره
صرت حال السجين ايريد مـــــــــره
يشوف الناس تمشي على الوطيه
ــــــــــــــــــــــــــــــــــــــــ
اناشد على احبهاً ليش مايـــــــن
ولا جني هذاك الجنت مايــــــــن
طفح دمعي ولك مو ماي مايــــن
وخاف اغركـ وماتلح عليه
ـــــــــــــــــــــــــــــــــــــــــــــــــ
عمت عيني عليهم ونتراهــــــم
هلك وهلي ابعلل وبون تراهـــــم
صغت روحي اعله روحك ونته راهم
تكول الخالقك سبحانه اليـــــه
ــــــــــــــــــــــــــــــــــــــ
اريدك فرحه بكَليبي شفتهــــــــة
ونشف بيك دمعه الـمن شفتهــــة
محلاهة ابورد جوري شفتهــــــة
وصف دكتور بس بيهة المنيه
ــــــــــــــــــــــــ
رفيجكـ لو فرح فد يوم وانعـــــــــــام
او يرد دكَـ الدقيق ايدكَ وانعــــــــــام
اذا اخوته التحسده ابفرح وانعـــــام
جا شوف الغريب اشعمل بيه
ـــــــــــــــــــــــــــــ
حملت هموم من عنده وراهــــــم
انا العطيب اظـــــلاً دوم راهــــــم
ولك اول جنت وصفــــه وراهـم
هم قابل وأشر بس بديـــه
ــــــــــــــــــــــــــــــــــــــــــــــــ
احصدت وردات وانه ابغير منيـــــال
يطيب ريح اهيسك بيه منيـــــــــــال
عسنى الكل يلو وانه وياك منيــــال
ميخالف ولو ماكـــو قضيـــه
ـــــــــــــــــــــــــــــــــــ
اصيرا شرطي بفراكك وتكسي
...ورد اكتب على دهري وتكسي
....اكلك وين اوكف وين تكسي
...دتانيني وروحا بيهة ليه
ـــــــــــــــــــــــــــــــــ
اريدك حالف ابأسمك بعدنــــــــي
او غصب هذا الوكَت عنك بعدنـي
ولك دم ولحم وحرم بعدنـــــــــي
ونارك وجرت شبت علـــــــــــيه
ـــــــــــــــــــــــــــــــــــــــــــــــ
يضل جفي عليكم مالــــــــحنه
يبو ماي الحلو بس مالحنــــه
ما هزاك كَلبك مالحنـــه
وانه ابكاروك كَلبي ايهز بديه
ـــــــــــــــــــــــــــــــــــــ
احلفك من تصد اصدِ اليـــــــــــــــــــــه
انا البكَليبي صادو صيد اليـــــــــــــــــه
وصيرلك طبيب وصيد اليـــــــــــــــــــه
تطيب ابساع بس اتحن عليه
ــــــــــــــــــــــــــــــــــــــــــــ
حجيت اهواي دسمع من رخصتك
متكلي تراني ال من رخصتك؟
ولك كَلبي تبيعه ابلا رخصتك
وتملكه ملك خصبا علـــيه
ــــــــــــــــــــــــــــــــــــــــــ
احب الناس كلهة وماهــــــواني
الآحس اني بغيابه مـــــاهو انـي
ولك وحشه امن اشوفن ماهو اني
اشوفك يـــل ترد الروح بيه
ـــــــــــــــــــــــــــــــــــــــ
نخيناك اشكر مامش نخلنه
يلطولك حلو طولك نخلنه
طحيناتك صفر بطـل نخـلنه
شلب مامش ولك وشوار بيه
،ـــــــــــــــــــــــــــــــــــــــ
كلشي اعرفت عنك انــا اني
حتى ابكَدرك امكَلـب انـا ني
وسفه الدنيه تضحك بس لناني
ولـطيب تغمة اشكد اذيه
ــــــــــــــ
انا الشيعي الحزين ابزغر سنـــــــــــي
اعض صبعي بندم ونكسر سنـــــــــــي
من صار الجتل شيعي اعله سنــــــــي
ولمحتل أمنيته اصبحت هـــــيه
ــــــــــــــــــــــــــــــــــــــ
بقيت الوحدي كمت احجي ويه حالاي
دموع العين من نشفت ش حـــــالاي
ادور اسنين من عمري وحــــــــالاي
مثل غيمة سمه وتمطر عليه
***********
الرد
انا الكَََبلج نطرته اسنين مايــــــــه
او نشف دمعي عليه اوصبغ مايه
حسبت اجروحه يا مدلوله مايــه
وحس اجروحه خويه اعلاج اليه
ــــــــــــــــــــــــــــــــ
عطر منك يمرنه بسد وردنـــــه
زرعنه الخير بينه وما وردنــــه
خبر مكتوب منك لو وردنـــــــه
اجيك ازحوف وحجيلك عليـه
ـــــــــــــــــــــــــــــــــــــــ
بيه اجـروح ما تنعد وهـم بيــــــك
لجـل طيبك اعرفـك ما وهـم بيـــك
انته أمنل كرم شايل وهـم بيــك
طبيب اتعالج البيه الرديـــه
ـــــــــــــــــــــــــــــ
عرفت اشكال منك بعـــــــــــد ورده
عاكَول ابصحاري الشــــــوك ورده
ادور ماي للعطشان يم حلكَي ورده
اشرب بيك وانه الهث خطيه
ــــــــــــــــــــــــــــــ
لاني من الحضه ابمشـــوي ولاني
وخوي اليطعــن ابظهــــري ولاني
ولك ماحن عكَب جرحكــ ولانـــــي
اريد اخوان مثلك سرسريـــه
ــــــــــــــــــــــــــــــــــــــــ
يدك بل باب يازينه ولك دشــــــــــــ
صرت بربور ياحالي ولك دشــــــــ
علة الحمام وبوجهك ولك دشــــــ
او الي دوش وهاي هيه
ــــــــــــــــــــــــــــــــــــــــ
انه البجفاك كَلبي انضرب كلــه
تعال ابنيله بيت وبيه كلـــــــــه
وعيش العمر والله وياك كلـــه
بوسط كَلبي يمعبد بلثنيــه
ــــــــــــــــــــــــــــــــــــــ
سماح اطلب انا المنكم وهدنــــه
كمش بيد التعورنه وهدنـــــــــه
جبل راكَع خجل جيتك وهدنـــــه
اصير اتراب ونته اسحكَ عليه
ــــــــــــــــــــــــــــــــــــــــــــ
رشف شفة اوعذب مايك يا بلماي
صرت صياد ونت السمج بلمـــاي
يطرني الروج وانه الحيد بلمــاي
يماخذني لوين ايريد بيــــه
ــــــــــــــــــــــــــــــــــــــــــــ
احبك يل على راسي شيالـــك
ولك كَلبي نبض بسمك شيالك
تريد اشيل من يمنه شيالـــــك
اشيل وياك ونسه امي خطيه
ــــــــــــــــــــــــــــــــ
احسك بل تشمه انت هوانــا
يا اول محب النه او هوانــا
ما ابدلك تعرفش يا هو انــا
انا انت النبض كَلبك اليه
ـــــــــــــــــــــــــــــــــ
صرت بس ون اونن مر اعاني
على الراعيتي اناشد مارعاني
شمس وبفي اعنن لجله اعاني
تالي ويا الشماته ايصيح بيه
ــــــــــــــــــــــــــــــــــــــــــ
الك وحشه ابغربتي وانتهلنه
لون غابت شمسنه انتهلنـــه
حبيبي او من غرامك انتهلنـه
ورد جوري يفوح ابين اديه
ـــــــــــــــــــــــــــــــــــــــــــــــــ
وشاهد
يلي جرحت گلبي وانه شاهد
شلزم من عشرتك و اش اهد
خل غيرك حكم ونته.. شاهد
[size=21]شوف اشخذت وشخليت اليه
ــــــــــــــــــــــــــــــــــــــــــــــــــ
اخذ دفتر عشكَنه الما تكَلبه
وقرا اشكم سطر بيه انتكَبله
اكَول ابكَلبي احسان مات كََلبه
وهو كَلبي اليموت اشلون بيه
ـــــــــــــــــــــــــــــــــــــــــــــــــــ
احنن لون حن الخميس ابليل جمعـه
ايغرك طوفان ما تلحك تجمعـــــــــــه
تجيب اسمك وحط اسمي وجمعـــــه
تشوف الناتج اخبطنه سويه
ـــــــــــــــــــــــــــــــــــــــــــ
شفت خده اعله صدري او بسته كَلبي
وحس شعره ونين او بسته كَلـــــــبي
اخاف احجي ويضيع اب سته كَلــــبي
ولسابع عزيز ايلوم بيه
ــــــــــــــــــــــــــــــــــــــــــ
خذت مني حبيبي البيه ساهــي
الورد خدة يصك جانون ساهـي
العلى شفته طعم ساهون ساهـي
مضغه من الطبيب اشلون بيه
ــــــــــــــــــــــــــــــــــــ
احس خنجر لسانه ومر عداني
اوده اشكد حلو بس مر عداني
يمر ابضحك وزع مر عداني
ما ادري فكر لو مرض بيه
ـــــــــــــــــــــــــــــــــــ
اعرفك بل غشيم انــي ترانـــــي
الصــــرت بعيونك اتنيشن تراني
اذا انتـــــه سقر طيـــرك ترانــي
لحم مسموم فنك تصل ليه
ــــــــــــــــــــــــــــــــــــــــ
وكَت اليصير اوياك هلجيت اغمه
من شفتك الهليوم صايرلي غمــه
ابعد يبعد الروح لا حلكِ الـــغمـــه
دم بسمك وطاريك محرم عليه
ـــــــــــــــــــــــــــــــــــــــــــ
تفت اكَليبي بشـــاهد والــكـــــوان
اعرفك بس رجيج انته والــك وان
رجلك شو خفيفه امولي لـــك وان
تريض خلني ارد الروح بيــــــــــــــــــــــــــــــــــه
ــــــــــــــــــــــــــــــــــــــ
خوان
صفه الچاتل اخوتي ابغـدر خــوان
ولشاهـد وطنه البيـه خـــــــــوان
السني وي شيعي ابجرح خـوّان
يفت اكَليبي ونهم كل مسيه
ــــــــــــــــــــــــــــــــــــــ
لون تضحك اشوف الجنه بشفافك وجنتك
الف عونه المس شفتك وجنتــــــــــــــك
او جنه ابروحه لعد روحك وجنتــــــــــك
وسط كَلبي جنيتك اووف بيــه
ــــــــــــــــــــــــــــــــــــــــ
دكــــــات
كل دكَة منــك وشم بروح دكَـــــات
دكَات الوكَت دكَ بيه دكَـــــــــات
تدكـَ الناس بنقال دكـَــــــــــات
وانه ادكَ ايد اعله ايد اضحك عليـــه
ـــــــــــــــ
اريدك دوم تقبلني وقبــــــــــــــــلك
اريدك دوم تقبلني وقبـــــــــــــــــلك
اريدك دوم تقابلني وقَبـــــــــــــــلك
اريدك دوم تقلبني وقلبك بين اديه(1)
مثل شريان الابهر مر عليه(2)
الاول:تقبلني وقبلك
الثاني:اقبلك وتقبلني
الثالث:اراك وتراني
ــــــــــــــــــــــــــــــــــــــــــــــــــــمرات الرجال اتصير مره
اومرات الرجال اتصير مره
اومرات الرجال اتصير مره
ابحلك نسوان كَالن مو خطيه
الاول:مراره
الثاني:حرمه
الثالث:مره
الأحد أغسطس 26, 2007 3:06 am
