يا ملك الموت عار عليك لومتنه
لآن زوار اجينه اشلون تاخذنـه
تريض توصل طوريج حملتنه
موتتنه ابتراب حسين غايتنه
امانه الدين عدنه وهاي عادتنه
نزور الوالي منهجنه وعقيدتنه
شنهو الراي ناوي انته اعله شيعتنه
لآن منـــــك ابد مايوم شو خفنه
غسلنه جسمنه وطاهرين احنه
بدموع الحسين اي والله غسلنه
وحنه ويه الجّفن صدكَان تعرفنه
نلبسه امنل ولاده امنه تكَمطنه
ما نتوازه بس على الموت كلمن يدفع ابمتنه
وينه الانفجار اتمنه اموتاً بيه وتمنه
أتلاشه وصل على كَاعه وبتابوت تخبطنه
ابن الناصريه وحلة وي بغداد تطبكَنه
مايحتاج تفرزنه لان احنه هويتنه تفرزنه
حسينين ونحب حيدر الكرار وعشكَنه
وعشكَنه الشهادة ابلهفت المحبوب تحضنه
تحضنه حضن من غيرة العباس غيرتنه
ما نجزع ولا نتعب لون مو موت موتنه
تعلمنه على هذا الـــــــــــموت راحتنه
نخضر ولغصن زيتون ما ميتين يم ربنه
نخضر ولغصن زيتون ما ميتين يم ربنه
السبت أغسطس 25, 2007 1:43 am
