الخضري
Admin
عدد الرسائل : 105
تاريخ التسجيل : 03/04/2007
 | موضوع: كربلاء الخالدة قصيدة لطم  الأربعاء أبريل 04, 2007 6:20 am | |
| كربلاء ولحسين عليه السلام
المستهــل
ثـارو اعله الدين ونسفكت دمـاء = وحنه نحمي الدين بسمج كــربلاء
اومن نموت اجسام يبقا النه الولاء = خذنه من حسين حبنه وهل وفـاء
وحنه نحمي الدين بسمج كربــلاء
كربله اجسدت بلعز ولـــوفاء = هيــه دم حسين سجــادة صــلاة
رادو يطفون نورج كــــربلاء = ونتي نـور الله النشوفچ بسمـاء
خذتي من حسين نور وهل ضياء = فضل الموت على دين الاوصياء
وحنه نحمي الدين بسمج كربــلاء
ملو الكفار من چتل الـحسين = اوكامو ايكتلون هسه ابشيعته
صار دمنه ايسيل في كل السنين = ما جزع من عدنه شمر وحرمله
رادو يكَطعون نسل المؤمنين = ماسلم منهم بعد دين السمـاء
وحنه نحمي الدين بسمج كربــلاء
كَامو اعله دين صاحو ماكو دين= دين سفيان التثبت يلأميــن
صار نيتهم الثاني ويل امين = وينطي بوصايه الامانه المرسله
ماتبدل كلشي عن ذاك الزمن = والحسن وحسين يوميه ابعـزاء
وحنه نحمي الدين بسمج كربــلاء
حرمو حته الزياره الطاهره = وليزور النبي صارت معجـــزه
او رادو ايمنعون هسه ازيارته = ذبحو المشايه ويلي اتعنته
ماوكَف نزفج دقيقه ارد انشده = هسه طف حسين بيد الاشقياء
وحنه نحمي الدين بسمج كربــلاء
علو اسماء الصحابه اعله ألأصول = اوصار ظالمهم حكَم حته الرسول
شالو اسمج فاطمه بلايه عقول = اوخلو الطلعت تحارب بلفحـــول
ونتي اولادج كفرهم بس يجول = اوعائشه صارت امينه ام الصفاء
وحنه نحمي الدين بسمج كربلاء
ذبحو القران خلو طبري = يا ضمير وذمه هذا القبلته
اوبصلاة انكَبر اشهد يانبي = صارت التكَبيره ذبحة شيعتــه
چلمت الله العظيمه وتنرسي = للكَفر ارهاب صارت ترضي
شوهو دين الاسلام المهتدي = وصار ارهابي اليحب الاولياء
وحنه نحمي الدين بسمج كربــلاء
لوتردني الكَربلة بهذا العهد = هسه اشوف حسين كَدامي وعــد
وشمر يذبح اطفال البلمهد = ولخيم كَبة الهادي امهدمـه
ولحسين ايصلي بلحضره شهد = اوچن يزيد ايفكر ايسلبه الـرداء
وحنه نحمي الدين بسمج كربلاء | |
|
