زماط تالي اليل

انجّانك جبل ابعيني ذرة ريح ...

مـن اعطس اهيس بيك تشلع

او لو فعلاً جبل تاليتك من اجليد ...

وتذوبك شمسنه الساطعه وتلمع

ولوصفوك شاطر باجر ايبدلون ...

وبوصفك اشوفك تفله على طابع

وذا رادوك مرة اعليه تصعد يوم ...

مثل حفنت تراب اشما علت ترجع

أبقى انا كَمر ما اضيع بين الناس ...

هم سامع كَمر مايندل وضايع

صحيح اسكت وغض العين ...

او لو عيني ابكبر هلكَاع هم تجزع

تكلي ابيا وكَت يرتاح هل تعبان ...

مو صعبه عليه الكل جرح اركَع

ما طايح تراني اولوطحت سجّين ...

يعني اشلون ما اطيحاً جرح يلسع

لا تتباهة صلعه ابشعر وكَت الضيجّ ...

انــه ابشيب راسي اتباهة ودلع

ولزامط ابمهره كدهة كون ايكون ...

ونشوف الأصيلة ابيا سرجّ تطلع