احبنها اوتحبني احجايت التنكَال
ما اكَولن صدك لاخاف تشتمني
طلبت ولطلب بــــــــــــــي عيب تجبرنـــــــــــــي
طلبتني بليال اشتاي ادفيهــــــــــــــــا اوتدفينـــي
وقبلت الطلب بشروط استرها ...
وهيه النوب تسترنــي
او رادتني اظل سهران من احميها تحمينـــــي
خذت مني العزيز اشفاها سلنــــــــــــــــــــي
او نشف مايـــي وكَطــر وعصر ابجفنــــــــــي
وعسلها عسيس الطير المغنــــــــــــــــــــي
وشوف اعيونها امغوشات وتـهـنــــــــــــــــي
يا سهرة بعمــــر موتــــاك ترحمنــــــــــــــي
لــتكلي الصبح يطلع تودعنـــــــــــــــــــي
وحس امنازع الونات يا اذنــــــــــــــــــــــي
أه اشكد جميله ألآه تكَتلنــــــــــــــــــــــي
ما بياش اسمعج كافي اكَطعي ألآه لتونــي
انازع روحي عد روحج فلك طرنــــــــــي
ورد جوري تذوب اوفاحت ابحضنـــــــي
وشم بذني عطرها اوتيهت خشمــــــــي
تكَول امحشحش ابشمها تدوخنـــــــــــــي
تالي من الحلم مرعوب افزا ربي سامحنـي
من دم ولحم مخلوق عذبني زغر سنـي
احبنها وريد ابطيف لو مره تكَلبنــــي
ابصلاة اليل صرت ادعي اموت ولا تفاركنـــي
الثلاثاء مايو 29, 2007 5:07 pm
