تعب الوطن

صفه الچاتل اخوتي ابغـدر خــوان
ولشاهـد وطنه البيـه خـــــــــوان
السني وي شيعي ابجرح خــــــوّان
يفت اكَليبي ونهم كل مسيه

,,,
,,
جزع كافي الوطـن خـل يستـراح
بس موت او حرب ولبيــه بيـــه

خل تصفك ادينه الراح بلــراح
او نمد اكَََلوبنه اتصالح خطيـه

مسكين الوطن ويعاني الجراح
تضمده انت بديك اوهاك اديه

ملينه الحزن شنهـو الاجه وراح
اشـو بـس الاخـو يكََتـل بخيـه

مـن دون الخلكََ مـا يـوم نرتـاح
راحتنـه صفـت علـى بندقـيــه

كلسبـت وكََـت شايلهـة طـفـاح
او على اخيك تكََتلـه اصـب اذيـه

وانه وياك جمارة نخل جمرها فلاح
اشـو بيضـة كَلـب چل مزهريـه

يلطيبك وفه اوما يوم ينزاح
رضعته امنل فرات ابزمزميه

وتخضر ورد والله اجمـل اسـلاح
ينكس الروس لو تنطي هديـه

وهديلك ورد محلاتـه قـداح
بدمـوع اليتامـه انسكََـه المـيـه

خلينه انتصالـح صـوتي مــو راح
تسمعه ابكل وكَـت شنهو القضيـه

ما رايـد تصالـح جـذب نرتـاح
او نبجي اخوانه الكلهم حميـه

يله اسحك امتوني ورفع الواح
نصالـح صـدكَ هـاي المسـيـه

وحط كَلبي اعله كَلبك خويه لو طاح
وصلـي ويـاك ومجتـفها اديــه

ونته اعله التراب اسجد او مرتـاح
لآن تربت حسيـن ابكـل العـراق

ترفض كل طوائف عنصريه
ترفض كل طوائف عنصريه
,,,