[color=navy][center]
امــي انــا مــو مـثـل هـايـه البـنــــــــــــات؟
اختلـف لـو ردت اقيـس انـه كَمـر بظلـمـات
لان امــي انخـلـقـت الـركَـعـه اوصـــــــــــــــلاة
امي انـا امنـل الـولادة امحجبـه ولبسـة عبـات
امي ما تحجي وتسولـف امـي تجـرع كـل الـم
يعني خرسه اشلون تحجي اتكَول اه ابهـل صفـات
امي مـا تعـرف تنـام امـي تسهـر حتـى انـام
امي بس احزان تتربه ابكَلبها فارشه افراش وتبـات
امـي مـا لبسـة املـون لا وحـكَ سيـد الانـام
امي طبعه الثوب بيهـة معجـزه امنـل معجـزات
امي بس اسـود لبسهـة الدنيـه تلبـس بسمـاء
والله متعجب عليهة الثوب ما يكَصر ولايعتك بتـات
من صرت لليوم انه ما تغير ثوبها امركَـع عـزاء
اشلون حيرني وكَتها ابثوب واحد جابت ابنين وبنات
والله لو مـرت عجدنـه انـه اغازلهـة ابسخـاء
ودي اخليه اعلـه كَلبـي معجبـه مـن المعجبـات
امي كَاع الله الجبيره اتظمنـه لـو صـار الحصـاد
امي تسقي اورود بدمعه تعصر لو نشف ماتت ومات
لــــو نــشــف مــاتــت ومــــات
***
المقطع الثاني
ـــــــــــ
جـنـت زغـيـر ومــي اشـلـون ربـتـنـي؟
امـي انـه ابصـلاة اليـل لـو صلـت تلوليلـي
او من تقنت تصد خـزرات بـس ودهـة تدفينـي
او من تركَع تهبـط حيـل خاطـر هـوا توصلنـي
اومن تسجد كَلبهـة ويـاي مـا ودهـة تفاركَنـي
ومـن تدعـي يربـي دوم مـا يكبـر بعـد ابنـي
كـون امكَمـط بحضنـي ولا يكـبـر يمرمـنـي
وبتسبيحت الزهـراء كـل خـرزه تخلـي اسمـي
ودهـة اتغنـي لـو بــس تـرمـش اعيـونـي
لان تسـمـع نغمـهـة ابرمـشـت اعـيـونـي
وسمـعـهـة تـــون وتـغـنـي أه يـبـنـي
ويـــن الله يـحـرسـك يـمــه تسمـعـنـي
وانـه ازغيـر وسـمـع يــا بـعـد عـمـري
وحتارت تضمني ابعيـد خـاف النـاس تحسدنـي
وضـمـتـنـي بكَـلـبـهـا ودم تـكَـلـبـنـي
وتفكر شصير انه ابكبر سني وخافـت لا توصفنـي
اشوف الضيم وتلـوع ودمـع مـن كثـر حزنـي
او كبرني الوكَت صرت انه عشر اسنين من عمـري
تونـي اتمايـزت امـي وره بلحظـات مـاتـت...
حـتــى مــــا لـحـكــت تـودعـنــي
***
الثالث
ـــــــــــ
امي انه ام النوعي الحملة اهموم او قهر
امي چذابه ابضحكهة اتقشمر اليل ابسهر
مره احس روحي ونيده وخابرتهة اصهر صهر
يمه يايمه ارد اشوفچ طال شو طال السفر
يمة احس ابعيد ولهث للعطش انتي نهر
وسمع امي اشلون تضحك چن شمس ماهي بشر
والله اهيس الدنيه تضحك ولمرض حدري اندثر
اوهيه موضحكة صدك ضحكة اغشيمه الفقير
وانه هم چذبت روحي وصدكَتها اورت اطير
بس افكر كَلت لو تضحك حقيقه امي اشيصير؟
ايصـــــــــــــــــير ارد انا طفل كلش اصغير؟
ايصير ازيـــح الظيم هذا وفرح وأدفن قهر؟
لو اذب حمل اليتامه اليشطر اكَليبي شطر؟
لونذب الوطن كله ونرجع احنه من الصفر؟
وانه ادري اليوم احنه ادنه من تحت شبر
لن ترد اعليه امي امنل القوافي وكل سطر
چني اشوف اعيون حلوة تحچي بدموع الدهر
او چن تمشط راسي هسه وكَالت اسمي وچن امير
او لزمت اشرايط خواتي وبل كَصايب هل تحير
وچنها زتتنه المدارسنه فرح بينه يطير
او تالي من رجعت توفت إبعبوه نسفه الحقير
او تالي اچينه من المدارس شوق لمنه ولايصير
او من شفت انه ابعچدنه الناس ملتمه الضهر
كَلت هاي امي الحبيبه انجرحت اثناء...
[color:beb1=navy:beb1]الطبخ لو چوتها النار...
من حر الكَدر...
لو چوتها النار
من حر الكَدر.
ـــــــــــــــــــــ
الثلاثاء مايو 29, 2007 5:00 pm
