سله سله السيف

سله سله السيف وطعن بضلام
وصرخ ابوجه الفتن وضح النهار

وحسب احسب للعده مامش سلام
ولكتب هذا الشعب يحترك نـــــار

ونفض انفض ثوبك اوبطل الملام
وفزع الهذا الوطن عمره عمـــــار

كافي كافي امذابح او خلي احترام
بلوطن جندوب تفخيخ ودمـــــار

شنهو شنهو اشصار ترميني ابكلام
وانه ليش اويــــاك متخذ الــــــقرار

اكتل اكتل بينه وكتل بنتقـــــــــام
ونسه جنه اثنينه ابلعب الزغــــار

ومك امك هيه امي وبحظنهة احنه حمام
سرب عدهة ولو نختنه كبلك انه الجنت اغار

شدة شدة العندي تتحزم احزام
لشدايت هسه رتك ننكث بهذا الغبار

ايدك ايدك خلهة بيدي ولاتنام
وعلة ابن تكساس خل نكلبهة نار

فزعه فزعه وطلقه طلقه وبنتظام
والله كل ثار النريدة ابألف ثـــار

صار صار الوطن موطن لليتام
ولسبب اثنينه اعلنه الدمــــار

شنهو شنهو اتريد جومتك ابجــــــام
وانه اخيك خلص عمري وألــك جـــار

كون كون اتمنه كلهم مثل عثمان العمام
انطه عمره وخله روج اليلطم ودمع انهار

او ريت ريت الشيعه عباس الامام
انترس حلك املاح ويخضر ازهــــار