الخضري
Admin
عدد الرسائل : 105
تاريخ التسجيل : 03/04/2007
 | موضوع: اخوف وخـــــــــــــــــاف  الثلاثاء مايو 29, 2007 4:48 pm | |
| بعد ما چنت اخوف صرت اخاف
او لذت بچانو ايلوذون بيــه
ما همني الوكت ولكَلب ما ساف
ولا رچفت چلاي اعله المنيــه
لآن دربي بعيد والسچه امخالفه خلاف
ودموع الحزن نزلة بديــــــــــــه
لاتبچين يا حبيبه من الاوصاف
على عناد العده لمشي اعله اديهـ
ما همني التشمت واليصيح اصياح
ولاهمني النذل باع الثكَل بخفاف
ولا نبح الشماته ايرد عليــه
انه جروح العراق ابخاطري اضعاف
ودموع اليتامه اتصل عليــه
ودعنه الاهل الوان وصناف
بس نفس المصير احنه سويــه
ماطول الجرح ينزف بل اچتاف
وماطول الكَلب يحمل قضيــه
سفينتنه امينه وابد متخـــــاف
او ميهمنه الزمن لو بي رزيــه
لچن فشله الزمان ايخلي الاچحاف
تكَص الروس طبقاً للهويــــــــه
عراقين احنه شيعه وسنه وطياف
عراقين احنه شيعه اوسنه اشراف
ابچدم واحد ندوس اعله الرديـــــــه
او نفسنه احنه النلاكَي الضيف بشفاف
ونكَله هلا بهاي المسيــــــــــــه
صعدنه على المعالي بشوفت الشاف
بحبال الامل كلنه سويــه
سفينتنه امينه وأبد متخاف
وهي شمرت عصى الشاطي الهنيـه
شمرت عصى الشاطي الهنيـــــــــه | |
|
