الخضري
Admin
عدد الرسائل : 105
تاريخ التسجيل : 03/04/2007
 | موضوع: في عشق الامام المهدي عليه السلام  الخميس مايو 24, 2007 2:26 pm | |
|
عجيبه اتعجبت بامري = وعاتب ودمع خذنــــي
اكَول الدنيه بيها الاوان = ليش الاسود البسنـي
***=***
هاي افراح مرت وانه مافرحان= هاي الناس غنة وانا ماغنـي
ليش الحزن ونـــــــــه وأه = ليش الدمعه تسكَــــــــــــــــمنـي
***=***
من دون البشر حزنــــــــــان = شمسوي بزغـــــــــــــــــر سنـي
انشدماً يا الهِ وانه وحدي بدار = لا اخوه البقت لا امي ترحمنـي
***=***
لـو تنشد عليه هذا عنوانـي
يتيم الكـل غرب محد تمنانـي
***=***
بهمومي طبع نخله وصبر ثاني = ودكَ باب الكرم للمهدي عنواني
ماظن بل كرم لو جيت رجعني = ودخـــــل بيت اهل الــدار متعنــي
وانه ابكل خشوع الخوف ماخذني = خايف من انشده الـروح تفكَدنـي
***=***
مـأدري نشته وأنه مو چنــــــــي
ونشدنه بظهوره الطال ولمنـــــي
***=***
بس احچايه وحده بأذني سمعنـي
كَال عراقكم يا فـــــلان جرحنـي
اوحتى افراحكم بلمولـد ادمعنـــي
وكال امنل فرح مفطوم انتـــــــــه....
وغاب من عيني
ودينه
وحكَـ النطرته الشيعه ودينــه
عتابات الزمن تدمع ودينــــه
تشوف اشلون حالتنه ودينـه
نموت وياك بسم الرافضيه
جثيره همومي يامهــدي = وجيت افرح وذب حزنــي
وكولاً انا مو جنــي = عليــــــــــــه هموم ترسمنــي
لآن ميـــــلادك يهمنـــــي = لجل الصبر علمنــــــي
انسه جروحي التعانـي =ومسح دمعــي خلانـــــــــي
وكول الشيعي متهنـي = ولمولـــــــــــــدك متعنـي
ابــــوجهة افراح وتهانــي = يضوي لدنيا امانـــي
مـن يطل شخصك زمانـي = وتسحك الكَـاع التعانـي
***
وتطلب بثار اليتامـه = وتحكــــــم بحكم الامـــامـه
وتخطب الخطبه بشهامـه = وهاي برهان وعلامـه
وعداي
تخزن جرحي فوك جروح وعــداي
صبراً يا روافـض حان وعــــــــداي
الفرج مني قرب وقترب وعــــــداي
لــــراويهم امـام الرافضـيــه
بس انشــــدك يبو صالح هذا حكَـي من انشـــدك
انا شيعي وفاكَد اهلي وفاكَدك
***
وين تكَصد كلهة مطلوبه دمــه = ولذبح بينه يلالي بكل سنــه
تطلب بثار ابو اليمه وهاملــه = تطلب بضلع الزجيه فاطمــــه
تطلب بثار الحسين اتحزمــه = تطلب بثار الحسن من سممــه
تطلب بثار الغريبه ولضمــه = تطلب جفوف ابو فاضل مقدمــه
تطلب بثار الرظيع البلحمــه = تطلب بثار الطفوف الغانمــه
تطلب بذاك البقيع امثلــمه = تطلــــب بثار الرضا ولحارمــه
تطلب بثار ابن جعفر ساجنــه = تطلب بثار الجواد اتعممــه
تطلب بزين العباد وشاتمــه = تطلب بثار المهدم كَبتـــــــــه
تطبل بثار الحسن لوشارتــه = كلهة مطلوبه الك حتى الفتـــــه
وكـال على شيعي حلال ابكتلتــه = حتى امريكه عراقي احتلتــه
صارو اسياد بأرضنه وطردتــه = وليهودي وهل عرب خاوه اخذتـه
حاربو حزب الله زمره الخانتــه = رفعو السيف على دين ابكَصتــه
***
هاي سالفتي طويلــه = وياك يا عقد الولـــــــــــــــــــــــــه
خل ارد وفرح وكلك ياهلــه = نورك اتوزع علينه وهل علــه
صعد لنجوم السمه وفوك اعتلــه = وخذ من ضيك كَمرنه انوارالـه
كــلسنه اتعلم كَمرنه يهل الـه = من شهر شعبان يبدي هلال الـــــه
وحنه هليله فرحنه انحملـه = ابكل كَلب عاشك حبيبه شتاكَلــــــه
ونته محبوب وغيابك شوكـَ الـه = قصة بكَلوب المحبه اتشايلـــه
يعني اسرار الاله اتعلمـه = يعشكـَ المهدي برحم امه غــده
يعشكـَ المهدي برحم امه غـــــــــده
| |
|
