خلة دولاب الحزن بينة يدور

Admin عدد الرسائل : 105 تاريخ التسجيل : 03/04/2007

خلة دولاب الحزن بينة يدور
ارد الفـــاً بيه كل اهمومنــــة

وخلي مرجاحة يسوينة الزمان
نصعد وننزل حسافة اتشوفنــــة

أدري عمر الفـــات ماضنة يعود
خلي نشلع امس من عقولنــــة

فزعتنة عليك يا عراق الجروح
شايل على متوني كومة اجروحنـــة

دموع أبنك كام يمسحها الغريب
ونت ايدك من تمدهة اتلوحنـــــة

اتعوقت ياموطني وراحن اديك
ابيا حرب راحن جثيرة احروبنــــة

انت ابونة ولآبو امبترة ادية
شلون تحظنة بعد وتبوسنـــــة

غيرتك تقبل تشوف ام الحجاب
غيرك ايكلـهة هلا ولتلومنـــــة

ما اريداً كلشي منك والحسين
بس اريداً منك انت اتشوفــنـــة

باجر احنة انروح ننتخب العراق
ونترس الصندوك دمع عيونــــــة