همزين نعرف ابد مابيكم شريف

Admin عدد الرسائل : 105 تاريخ التسجيل : 03/04/2007

تكَرط افجووج الحجت يوم الزماط
او كَــــامت اتحد الرعيع اسنونها

بلاية أدين وحيل وكت الي اجوك
وطلعت العربان حمر عيونهـــــــــا

صار عدهم عيد يوم الاحتلال
ونعمت بغداد ويبجونــــــــــــها

جوكة جوكة اتحزمو طاح العراكَ
وفرحت الدوحة وتكحل عيونها

والشجاعة اليحجي بيهة ابن الرياض
طلعت على الفقرة ويفجرونهـــــــــــــــــا

همزين نعرف ابد مابيكم شريف
ودمع بتي الطايح ابماعونهــــا

بية اشمتو شما شمتو انا العراق
اهدومي باجر من يجي اتطلبونهـــــا

ندري وحدك عايش أب جومت نفاق
وندري ساعت ضيج ويشــــوفنها

وندري من الكَاع ودهم يشلعوك
وأرضك اسرائيل يستلمونهـــــــــــــا

كلشي نعرف احنه والله يا عراق
ابولدك انياشين مــــــــــا ينسونها

امس شعبك عاش وسط امفخخات
وروس اخوتي انصيح لتكَصونهــــا