حملتك بلبرد والحر تماديت
وصف وصفونه سمونه المكَاريد
وعرفت انطيح والطيحه تمنيت
عليه اصير وتحمل ونه وحيد
ضلع حارس الكَلبك ما تجازيت
وطير الروح وتنيشن الك صيّد
ومشيك بوريدي ونبض تنكَيد
ونه العارف نغم كَلبي انت مريت
نويت انهض وحط ايدي بوسط ايد
وشفت ايدك كَصيره وكلت ضليت
يتيم اتعزه بروحي ندم زيـــــــد
صدك بچول تزرعني منى وصيت
ونه اتعكَز زماني وصك تچاعيد
وكَلت فدوه الصديقه وچذب مليت
اخر وفزع من يمر طاريك چّريد
وسعف صرت ابغيابك يابس وجيت
حسافه ويا حسافه اسنيني ماريد
خلص عمري اشتياق وغربه تانيت
هم وني وصرت مكَيود انه ابكَيد
صدك صارت حلم كَعدتنه بلبيت
شداوي بيا جرح والجرح صب جيد
ندم حيل اشكَثر بس لاتعديت
تذكَرنه الزغار ودل دلال وعيد
ونه الفنچان وفتر بيدك انسيت
شلم يلزين من عدهن شنو انريد
اخوك اردود جيتك دمعه رديت
وتاني ابچفكَ اتمرمر رمش ويد
اخلهة اتصب وحلفنك ونه عميت
وريدن عينك الوسعه مواعـــــــيد
الإثنين يناير 11, 2010 10:54 am
