كبل جانت فراشه اطير بساحة
وحس روحي اطير وياهه
او هسه الفراشة الحمام غراب عاداها
اذا طير وشايل الناسف على جناحة
مسكينه الفراشة اطير بساحة...؟
<>
كَبل جان اليغيب ابصفنه يومين محد يسئل ومحد يخاطب
وهسه لوغاب الطفل درسين يقيمون الفواتح ميت الطالب
لان صار الموت بلاوعي وتفكير وصدكَـ اطفالنه تدفع ظرايب
لوصار انفجار.......العين.......شتشوف...........!
تشوف الجماغ احجاب النساوين وتشوف الحجاب جماغ لشايب
وبيوتنه ملعب للفراشه اتخوظ وهسه بيوتنه اتملش كَصـــــــايب
><
اوف من كَلبج يا خاله اشكَد حزيـــــــــــــــن
عدهة بس اوليد واحد اسمه علاوي أميــــــن
او عدهة كومه امنل بنات اوجان علاوي المعين
او مات علاوي ابمفخخ والله ونلهة الونيــــــــن
او نست كل اسم البنات اوكامت اتصيحلهاً اعليوي الحنين
><
<>
ماتت اختي اوبنفجار اتفجرت
او بقت بتهه اشلون حيره اتحيرت
اتكول خالي اشسوت امي اتهسرت
وذره وذره اتـــــــــــــوذرت
لآن راحت لزيارة قابل ابربها اكفرت
امي متعوده تنام على الضــوه
ولينام ايموت بس يشتم هـــوه
وحتى من تنطفي عدنـه الكهرباء
نعلكلهة اشموع ونرد القــــوه
ومي هسه اتموت يا دين السماء
ماكو فتوه اجيز ما ندفن حـــوه
نامت الناس او جذب لامانمت
احسب انجوم السمه وأغلط صرت
اوصل النوره وتيه اشحسبت
ورجع من اول اعيد او مانمت
كضيت العمر يبني بس ابـاريك
بلهم ولحزن ربيتك انـــــي
هسه اشلون ترضى ابهاي اطريك
من دفــنوك يمه اتلث ثوانـي
وينك يا وطن جيتك وكلي اشواق
جيتك وعتذر من عندك اتـأسف
بس بشرط واحد ما ردت حضنك
خايف من احضنـك عبوه تتنسف
اكــَـــــــــو امخبل چنت اعرفه امنل زغر اسمه خميــس
فاقد الذاكره او عقله او كلنه چنه انحسه ما عنده ضميـر؟
او تالي كَادوه هله امچتف لبو فاضل بلخميـــــــــــــــس
او قبل ما يدخل الحضره انفچرت العبــــــــــــــــــــــــوه ...
اعله وجها او فزع فزعه ولم الاشلاء التطيــــــــــــــــــر
الوردة عزيزه ابكل دويلات
بس عدنه الورد ذبحو وريدة
زرعنه اشكد ورد بدموع بغداد
او قرينه الفاتحه اعليه ابقصيدة
اكـو شاعر لو لزم بيدة...
القلم بجّه السنين
وكــــو شاعر ما عركَ عندة الجبين
وكـــو شاعر مات بس اشكد حزين
يكتب ابدمة القصيدة...
وخلص دمة اعله الحسين
من طاح القبر ماچن قبر على كَاع
چن معرض تطشر على ارض ثروه
شفنه اعمامه سوده اتكَول چن تاريخ
ولسيف او درع ولهادي ماهــــــــــوه
لن صوت المؤذن صاح يـــــــــــــــا الله
على كوثر امامي الهادي يتوضــــــــــــــه
..من كثر مـــــا خضر ابراسي انــه شيـــــب..
..خضرت بكَليبي شيبه وكَمت اركز بيه زيــن..
..هسه اريد اشلعهــــــــــــــا من كَلبي الحزين..
..خايف أشلع حته كَلبي وتضحك عليه السنين..
عدنه الحسينيه مفطورة فطر حير الناس
اشكد تعبنه ورممينه مـا يفيد وي البناء
تدري ليش من نصلي على محمد صلوات
ينفطر مو بس بناء تنفطر حتـه السمـاء
الإثنين ديسمبر 21, 2009 6:56 pm
