الغربه ماتنراد بس والله مجبور
شايف عدل يختار يسكن بلكَبور
***
اوف اشكثر بروح اوف اردشوفن
وجماله وسط العين كلهن يطوفن
***
كون اليموت اهواه يندفن يـــمه
سكَته بتوالي اليل يكَعد يشمه
***
اتمنى هسه وياك كون ابسطحنه
ونوخر النجمات ونخلي اهـــــــلنه
***
هانت عليك تروح وذلني غربه
جا دمعي وين ايروح ولمن اصبه
***
ابراسي مو شيبات ابراسي حسبـات
من عمري عده وراح ومعــاشر اموات
***
انـشد عزيز الــعين مو هذا دوري
ليش التريدة الروح يركعني بوري
&&&
اكَتلني يلمحبوب شلع الكَصايب
بلجن ثلاث بوسات ناخذ ظرايب
***
اتمنــا ولفي وياي ويشوف داري
من طكَني وكَتي بعوز بعت القواري
***
للكاظم اتمنيت تـاخذني وتـروح
ونتكابل انه وياك بس نبجي ونوح
***
كالــو امان اليوم صبـح وطنــــــه
بعـد الامن شيفيد خلص شعبنه
***
يبن امي شوف اشلون عالكاشي حـالي
من طكَني وكَتي ابعوز بعت الــــــــزوالي
***
سجين امنيتي اصيرا ونته مأمور
هم قابـل اشوفـك شامت ازور؟
***
ثكلـــه وثلث تنعام وحسبهة أمنه
جربهة وكَت الضيج شياله همنه
***
بسج يبعد الــــــــروح بسج يغاتي
مو خاف اهد اعليج عشرة امهاتي
***
الاخـــوة وكت الضيج تتحزم احزام
وخواني وكت الضيج تتغطه وتنام
***
الاخو من تنخا بشدة الك جيش
وانه الاخو الانخاه ايغركني بلكيش
***
تكضي العمر يفلان بس فكر حالك
ولعتب موش عليك عليَ لــــــفالك
***
ما دامة عــار ايصير غيبتنه عنكم
صدك بعد يــــــــافلان ما نرجعلكم
%%%
بس مرة احجي ابـــزود ما أحجي مرتين
من زغري هذا الراي خذته من الــحسين
^^^
صرت على لحمي اتحوم كص هم بعد كص
ندري اشكر طيبين بــس يمــــــــك انـغص
***
تدري الفرح لو جاك جيـــــــــــاته حلوة
بس فرحي عكس النــاس خافني ططوة؟
***
ارد اجمع العشاكَ كلــهم ابدفتــــر
بس حب ابو السجاد بكَليبي يفتر
***
بيعيوني شايل ماي تدري من اهدة
ايغركَـ الصوبين وبعين وحـــــــدة
***
ارد اذبح انا الروح ونعلهة ونجب
جيفنهة عد انــــــذال خلتني انذب
***
ماتحمل انته الــــــزين خايب نعرفك
لو تـرد حك وحكوك صدكني اشرفك
***
ألدنية ما تنـــــــــاش من كبـــل ادم
وشتغل بس لحسين بيها انــا خادم
***
العازه ما تراد منكم يمنـــــه
بجنازت التابوت تسبك الــنه
***
عندي اخوه من اعظاي سولي تشـــــريب
وانه اعله جدرالفوح صــــــــرت الهب لهيب
***
الدهر جار وياي ابداً مملـــــــه
اتونس وأرتاح ورتجي العلـــه
***
العله شنهو اجروح وتشدها وطيـــــــب
حدر الكَلب مجروح هاك احسب وشيب
***
ما عندي بس الروح وبغربتي ادواي
ودفنها حدر الكَاع وانه ابطرك هـاي
***
دكَ كَلبي الك دكَات مو دكَه وحده
كل دكَه احس الباب جنك تدكـَــه
***
لاتضحك اعللحال خليهة سكتـة
من دكَدكَ النقال شلت المخــدة
***
لا تضحك اعللحال حالتي كلفه
من دكدك النقال شلت المهفـه
***
والله انت طيب حال بس بيك شغلات
من تقفل النقال وقت المهمـــــــــــات
***
وينك مسج وديت ما جاوبتني
مو كَلبي ولع نار يلحيــــرتني
***
غضت نضر ناسيه بس ما نسانــــه
وجمالي ردلي اردود حطني بزمانه
***
مامش شرع يفلان وليه انولينه
نتفل على التاريخ وتغمه ادينـــه
***
يا شرع يا قانون صاير علينــــه
اوهة امده التاريخ وكَطع حجينه
***
من همي حبله اتكَول وطلكَ وجيبن
بس ناصريه اردود خاطر يزيــــــدن
***
اتمنه اطير وياك خذني بخيالك
وسهرلجل عيناك وبجي ابدالك
***
اتمنه يل محبوب صوتك اسمعه
حتى انه انام اليل وبعيني دمعه
***
سمره او وسيعة عين مالج نعرفـــج
بين الشعر طاريج ومضيعه عرفـــج
***
سمره او عساج ابموت محلاته حسنج
وتمنى ملك الموت ونزل وخنكــــــــــــج
***
شايل جرح بجفاك بس اشأوصفـــه
سواني بلمكَلوب لـــو نمت وكَفــــه
***
شايل جرح بجفاك بس اشأوصفـــــه
خلاني عكس الناس لو كَعدو اغفـــه
***
جرحي اشحلاته ايصير لو مره اجرحك
صدك يخلي الروح للحزن تضحـــــــك
***
الكلب لــو حب يوم بس انته احبـــك
ولحبني اخله ايجور بس سب يسبـك
***
امنت روحي وياك وانه ابطركهة
وحلفت بلعباس فدوه الك خذهـة
***
دكَدكَ جهازي وجيت فرحان اشيلـه
كالولي اعز الناس كتلته الجيلـــــه
***
دكَدكَـ جهاز وجيت فرحان اشيله
كالولي اعز الناس شايل اليلــــه
***
مو دمعه ابجي عليك لا ابجي من دم
يلكَلبي خذته وياك شتريــــــــد اقـدم
***
كَالو مريضه الروح يا مرض بيهــة ؟
مرض الثلث تيام مامر عليهــــــــــة
***
صاير سرب كليوم تهجرني وتـــــــروح
متكلي وين الكاك يلماخذ الــــــــروح؟
***
يايمه وين اهواي صيحيله اريده
مو كَلبي من فركاه كَطع وريــــده
***
بعيوني دمعــه حسين وبخدي شلته
كلما احن وشتاك بس ابجّي شفتـــه
***
احمر صبغ بل عين لادمع لاماي
يمكن دمه من العين لو غيبتك هاي
***
دمع ودمه من العين طاحت يغاتي
الكم صرت خرباد ضحكه الشماتي
***
خلصت بعد الحباب مامش حبايب
العشك صار افلاس والحب عجايب
***
لاولحسن وحسين والـــــــــبنه الكونين
عاشك اضل لدوم وبجي على الحسين
***
لاتتعب على الناس خلك يخايب
الكَرعه ماتناش نوش الكَصايب
***
اليكتب البيتين لزهره يسعه
صدك يضل لدوم ينذكر شرعه
***
حلو الموت اليمرني كونك وياي
وعزمك على غده ودفعلك الچاي
***
دكتوري هوى حسين ولوصفة يمه
ارجع بلايه جروح لو رحت اشمه
***
ليش اليحب حسين بطيبه ينكَال
ومجانه فوك الراس ويذل الانذال
***
هـــذا انا الفــراتي ابن الفراتيـــه
وبن الشايب الازمله عوجيــــــه
***
ارد انشد الخياط هلبت يخيــــــط
كَلبي انفتكَ نصين شاط ويعيــــط
***
من عنده بكره وخيط حته انا خيـط
زيجي انفتك للكَاع خلاني اعيــــط
***
الخوه خوه اشلون ماردت اخــوتك
لو عله جرح تيزاب وتمنه مـــوتك
***
دمعه وتصب بلعين انه لخوتي
هسه اصبحت معيوب ياروحي موتي
***
الغربة ماتراد بس والله مجبور
شايف عدل يختار يسكن بلكبور
ارد اسئل الآستاذ وسئل اهل الصف
ثوب الكصير اشلون يم ربه يصطف
1
يصطف يمن بل عار شايل عمامه
وأنت بئمان حسين تدخل سلامه
ثوب اﮔصير ولــــــــلركبه حدّه
تشبه بالمرة بس لحيه عنده
الجمعة يونيو 13, 2008 9:55 pm
