جنازة

بعد مامش عيب عند الناس وتعرفـه
ولا تـــــعرك كصصهم حتى بل فشله

ابوكم بعدة ينزف ما كطع نزفـه
ومكم فرعوهــــــا اكبالكم وسفه

ما بيكم غيور انعـــــاتبه ابلهفه
ولا بيكم نشامة اتلهث ابحركه

ليش الي يعرس معجزة وصدفه
وهسه الي يموت الحنه من دمه

كبل تابوت واحد بلعجد عدنــه
او هسه العجد شايل بنجف كله

كبل جان اليموت ادموعنه اتغسله
او هسه الي يموت ايبجي بس اخته

كبل محد ينام ابليلة الـــــوحشه
وهسه الغطه اعليه وميتي امكشفه

كبــــــل جنازة كلنه انروح ونزته
وهسه اباب بيته ونرجع ابسكته

جــان الـي يموت اوحيد انعرفـــه
وهسه الشعب خلص ياهو الندفنه؟